Madarsa Roza-tul-Quran
914/2 Azizabad federal B Area
مدرسہ روضۃالقرآن دسمبر۱۹۹۳ء میں ایک کراۓ کے مکان میں قائم کیا گیاـ بحمدﷲ مورخہ ۲۲ جون ۱۹۹۸ء (بمطابق صفرالمظفر۱۴۱۹ھ)، پلاٹ نمبر۹۱۴/۲ عزیزآباد کراچی پراستاذِ محترم حضرت اقدس قاری محمد یٰسین صاحب کے دستِ مبارک سے مدرسہ کی ذاتی عمارت کا سنگ بنیاد رکھا گیا۔ بزرگوں کی دعاؤں اور عوام الناس کے بھرپورتعاون سے انتہائ قلیل مدت میں تعمیراتی عمل پایہ تکمیل کو پہنچا اور اللہ کے فضل سے مورخہ ۲۱ نومبر ۱۹۹۹ء کو مدرسہ کی افتتاحی تقریب کے بعد یہاں باقاعدہ تعلیمی سلسلہ کا آغاز کیا گیا۔ مدرسہ وفاق المدارس العربیہ پاکستان سے ملحق ہے اوربحمدﷲ اب تک طلباء کرام کی ایک کثیر تعداد حفظ وناظرہ قرآن کریم مکمل کرکے فارغ ہوچکی ہے۔ مدرسہ میں مقامی طلباء کے علاوہ مقیم طلباء بھی زیرتعلیم ہیں جن کے تمام اخراجات عوام الناس کہ عطیات، صدقات، زکوٰۃ اور چرمہاۓ قربانی سے پورے کیے جاتے ہیں۔ یہ تمام بہاریں ﷲ تعالی کے خصوصی فضل، اساتذہ کرام وبزرگوں کی دعاؤں اور معاونین حضرات کے تعاون کی بدولت قائم ہیں، ﷲ تعالی ان بہاروں کو سلامت رکھے آمین۔ اس عظیم صدقہ جاریہ کے استحکام، بقاء اور ترقی کے لئے فراخدلانہ تعاون میں اضافہ فرمائیں اور اپنی خصوصی دعاؤں میں مدرسہ کے اساتذہ، طلباء اور منتطمین کو ضرور یادرکھیں۔ جزاکﷲخیراً
مدرسہ کا جدیدتعمیری وتعلیمی منصوبہ
مدرسہ روضۃالقرآن دسمبر 1993ء میں کرائے کے ایک مکان میں قائم کیا گیا اور بحمدللہ 22 جون 1998ء میں پلاٹ نمبر 914/2 عزیزآباد کراچی پر استاد محترم حضرت اقدس مولانا قاری محمد یٰسین صاحب دامت برکاتہم العالیہ کے دست مبارک سے مدرسہ کی ذاتی عمارت کا سنگ بنیاد رکھا گیا. بزرگوں کی دعاؤں، عوام الناس کے تعاون اور اللہ کے فضل سے انتہائی قلیل مدت میں 914/2 عزیزآباد کا یہ تعمیری منصوبہ مکمل ہوا اور تا حال یہاں تعلیمی سلسلہ عمدگی سے جاری ہے۔ مدرسہ ہذا میں مقامی طلباء کے علاوہ مقیم طلباء بھی زیرتعلیم ہیں، انہیں طلباء کی تعلیمی تربیتی اور رہائشی ضروریات کو مدنظر رکھتے ہوئے مدرسہ کی انتظامیہ نے میمن گوٹھ کراچی میں 2860 گز یعنی(پینتیس ہزار) 35000 اسکوائر فٹ جگہ خریدی ہے۔ یہ جگہ کراچی ایئرپورٹ سے 15 کلومیٹر کے فاصلے پر اقراء عائشہ سٹی میمن گوٹھ میں واقع ہے اس جگہ پر مسجد اور مدرسہ تعمیر کیا جائے گا۔
